Тыдзень беларускай мовы і літаратуры
Аналіз тыдня беларусскай мовы і літаратуры
Тыдзень беларускай мовы і літаратуры
Тыдзень беларускай мовы і літаратуры праходзіў з 15.02.2016г. па 19.02.2016г.
У першы дзень, 15.02.2016г., адбылося ўрачыстае адкрыццё Тыдня беларускай мовы, падчас якога гучалі выказванні мастакоў слова пра беларускую мову, вершы на беларускай мове, песні беларускіх кампазітараў на словы беларускіх паэтаў.
У другі дзень, 16.02.2016г. вучні 3 класа на маўленчым практыкуме адпрацоўвалі уменні і навыкі размаўляць па-беларуску ў паўсядзённым жыціі: вітацца, запрашаць адзін аднаго ў госці, дзякаваць, абмяркоўваць навіны, расказваць пра цікавыя выпадкі са свайго жыцця. Для вучняў 9-11 класаў адбылася прэзентацыя праекта “Літратура.by”, на старонках якога прадстаўлены розныя літаратурныя гульні, цікавая інфармацыя пра літаратурныя творы, якія вывучаюцца ў 5-11 класах. З дапамогай дадзенага праекта ў вучняў была магчымасць даведацца нешта новае, паўтарыць і сістэматызаваць атрыманыя раней веды.
У трэці дзень , 17.02.2016г., у літаратурна-краязнаўчым калейдаскопе “Хто самы ўважлівы чытач” прадэманстравалі свае веды па беларускай літаратуры вучні 8 “А” і 8 “Б” класаў. Элемент спаборніцтва ў гэтым мерапрыемстве дапамог арганізаваць іх на сумесную дзейнасць, прадэманстраваць адказнасць і калектывізм. Інтэлектуальная гульня “Разумнікі і разумніцы” выявіла ўзровень ведаў вучняў 4 класа па беларускай мове і літаратуры.
У чацвёрты дзень, 18.02.2016г., адбылася гульня-конкурс “Буслік 2016”, у якой прынялі ўдзел 33 вучні 3-11 класаў. Арфаграф турнір быў накіраваны на выяўленне арфаграфічнай пільнасці і развіццё арфаграфічных навыкаў вучняў 7 “А” і 7 “Б” класа.
У пяты дзень вучні 5-6 класаў адправіліся ў літаратурнае падарожжа “Літаратурны свет”, у якім прадэманстравалі свае веды па беларускай літаратуры, сваю актыўнасць і эрудыцыю. Закрыццё Тыдня беларускай мовы і літаратуры прайшло ў форме агульнашкольнай лінейкі, на якой былі названы імёны самых актыўных удзельнікаў Тыдня беларускай мовы і літаратуры, названы імёны пераможцаў мерапрыемстваў.
На працягу ўсяго Тыдня вучні старэйшых класаў прымалі ўдзел у акцыі “Рускай мове дай разгрузку – размаўляй па беларуску”. Удзельнікі акцыі перакладалі словы ветлівасці з рускай мовы на беларускую і выкарыстоўвалі іх у маўленні ў школе і дома.
Як бачым, на працягу Тыдня беларускай мовы і літаратуры ў вучняў 3-11 класаў была магчымасць актуалізаваць веды па беларускай мове і літаратуры, паказаць узровень эрудыцыі, задаволіць сваю цікаўнасць, пашырыць кругазор, захапіцца прыгажосцю беларускага мастацкага слова.
Загадчык кабінета беларускай мовы і літаратуры Мінаева Г.С.
